FORD TRANSIT

Լիովին նոր Ford Transit-ն ամենամեծ մեքենան է ողջ մոդելային շարքում: Այն առաջարկում է անվային բազայի, տանիքի բարձրության, շարժիչների և այլ լուծումների հարուստ ընտրություն՝ թույլ տալով ձեզ գտնել ձեր բիզնեսի կարիքներին առավել հարմար ավտոմեքենան: Ինչով էլ որ զբաղվեք՝ Transit-ն ունի համապատասխան լուծումը:

Առաջադեմ ու գերժամանակակից տեխնոլոգիաների երկար ցանկը ներառում է Ford SYNC համակարգը՝ emergency Assistance ֆունկցիայով, ադապտիվ կրուիզ-կոնտրոլը և Curve Control համակարգը: Այս համակարգերից մեծ մասն աշխատում են ավտոմատ ռեժիմում, ինչը թույլ է տալիս վարորդին կենտրոնանալ առավել կարևոր բաների վրա:

Այլ տեխնոլոգիաներ, օրինակ խելացի ռեգեներատիվ լիցքավորումը, դարձնում են Transit-ի նոր շարժիչներն ավելի արդյունավետ:

Ինչ վերաբերում է բեռնավորմանը, ապա նոր Transit-ի առավելագույն բեռնատարողությունը հասնում է 15.1 խմ իսկ բեռնավոման երկարությունը՝ 4.2 մ այն դեպքում, երբ տեղադրված է ստանդարտ միջնորմ: Եվ անկախ նրանից, թե ինչ եք տեղափոխում՝ բարդ ազդանշնային համակարգը կպաշտպանի թե’ մեքենան, թե’ ուղեբեռը: 

Ստեղծված է ծառայելու համար

Նոր Transit-ի յուրաքանչյուր միլիմետրը նախատեսված է ձեր բիզնեսը առավել արդյունավետ, մրցունակ և շահութաբեր դարձնելու համար: Այն ավելի հուսալի, ամուր և հզոր է, քան երբևէ: Բացի այդ, նոր դիզայնը հաղորդում է ավելի տպավորիչ ու ժամանակակից տեսք, իսկ աէրոդինամիկ լուծումներն ապահովում են վառելիքի տնտեսում: Մեքենայի ինտերիերը նրբաոճ է, հարմարավետ՝ նմանվելով մարդատար ավտոմեքենայի ինտերիերի: Այս ամենով հանդերձ՝ նոր Transit-ը պրակտիկ է և երկարակյաց: 

Հպարտացեք ձեր նոր կոմերցիոն ավտոմեքենայով

Նոր Transit-ի էլեգանտ և ժամանակակից արտաքինը նոր ուղղություն է հաղորդում Transit ընտանիքի ողջ դիզայնին: Ավելի սահուն լուծումները ավտոմեքենային հաղորդում են այն դինամիկ բնութագրերը, որոնք բնորոշ են կինետիկ դիզայնի ոճով իրականացված Ford մարդատար մեքենաներին, ինչը զուգորդվում է Transit-ին ի ծնե բնորոշ բեռնափոխադրման բացառիկ ունակություններով 

Առաջնակարգ փոխադրամիջոց

Նրբաոճ արտաքինով հանդերձ նոր Transit-ը հավատարիմ է մնացել այս մոդելի ընտանիքին բնորոշ ժառանգությանը: Այն առաջարկում է բեռների տեղափոխման ճկուն լուծումներ՝ ներառյալ բեռնախցիկի բազում նորարարական լուծումներ: Բացի այն, որ Transit-ն աչքի է ընկնում իր դասում առավելագույն բեռնատարողությամբ, այն նաև ավելի ընդարձակ ու ճկուն է, քան որևէ այլ ավտոմեքենա:

Խելացի արտաքին դիզայն

Նոր Trasnit-ի ժամանակակից արտաքին տեսքը զուգորդվում է ընդարձակ բեռնատար հատվածով, որը թույլ է տալիս տեղափոխել ստանդարտ երկարության առարկաներ, օրինակ՝ խողովակներ կամ շինանյութ: Մեքենան աչքի է ընկնում արտաքին պատերի խելացի կառուցվածքով և ավելի մեծ ու պրակտիկ դռներով: Բեռնախցիկի կողային դուռը բացվում է աննախադեպ 1300 մմ լայնքով, ինչն ապահովում է մեքենայի առավել արագ ու հեշտ բեռնավորումն ու բեռնաթափումը:

Անձրևի ցուցիչով խոզանակներ

Խոզանակները միանում են ավտոմատ՝ դիմապակու վրա ջրի կաթիլների հայտնվելուց անմիջապես հետո: Դրանց աշխատանքի արագությունը ավտոմատ կերպ հարմարվում է անձրևի ուժգնությանը: Միևնույն ժամանակ ինքներդ կարող եք ընտրել զգայունության վեց աստիճաններից մեկը:  Ավտոմատ խոզանակներն առաջարկվում են որպես օպցիա՝ առջևի ավտոմատ լուսարձակների հետ զուգահեռ:

Առջևի ավտոմատ լուսարձակներ

Նոր Transit-ը համալրված է արտաքին լուսավորության աստիճանի հանդեպ զգայուն ցուցիչներով, որոնք աշխատում են թե՛ մթնշաղում, թե՛ լուսավորության հանկարծակի անկման պայմաններում, օրինակ, երբ մտնում եք թունել: Այդ դեպքում առջևի լուսարձակները միանում են ավտոմատ կերպ՝ դարձնելով ուղևորությունն ավելի հանգիստ ու անվտանգ: Լուսային սենսորն առաջարկվում է որպես օպցիա անձրևի ցուցիչի հետ միասին: 

Ուշադրություն գրավող հայելիներ

Նեղ տարածություններում մանևրելիս՝ բավականին հեշտ է վնասել կողային հայելիները: Այդ խնդրի լուծումը էլեկտրակառավարվող և ծալվող հայելիներն են, որոնք առաջարկվում են օպցիոնալ: Դրանք ծալելու համար բավական է պարզապես սեղմել կոճակը: Դրանք նաև կարող են տաքացվել, ինչը թույլ է տալիս ավելի վստահորեն ճանապարհ ընկնել մանավանդ ցուրտ ձմեռային առավոտյան

Ford Easy-Fuel լիցքավորման համակարգ

Այս համակարգը թույլ է տալիս կանխել մեքենայի սխալմամբ լիցքավորումը ոչ համապատասխան վառելիքի տեսակով: Քանի որ վառելիքի բաքը չունի նաև կափարիչ, դուք այլևս չեք կեղտոտի նաև ձեր ձեռքերը:

Կայանման ցուցիչներ

Կայանման ցուցիչները թույլ են տալիս վարորդին գնահատել մեքենայի առջևից կամ հետևից հայտնված խոչընդտոներից եղած տարածությունը: Որոշակի օբյեկտ նկատելուց հետո համակարգը ձայնային ազդանշանի միջոցով տեղեկացնում է վարորդին այդ մասին, ընդ որում խոչընդոտին մոտենալուն զուգահեռ ազդանշանը դառնում է ավելի ինտենսիվ:

Հակակորոզիոն երաշխիք

Մեքենայի որակի ևս մեկ ապացույց է հանդիսանում այն հանգամանքը, որ նոր Transit-ն առաջարկվում է թափքի 12 տարվա հակակորոզիոն երաշխիքով: Բացի այդ, շասսիի բոլոր հիմնական հանգույցներն իրականացված են հատուկ ցինկապատ պողպատից: Առանձնակի ուշադրություն է դարձվել առավել վտանգված հատվածներին:

Հարմարավետ ինտերիեր լիարժեք աշխատանքի համար

Նոր Ford Transit-ն աչքի է ընկնում հարմարավետ ինտերիերով, ինչը բնորոշ է մարդատար մեքենաներին: Ընդ որում, սրահի լուծումներն ու լրամշակումներն աչքի են ընկնում մեծ պրակտիկությամբ և իրականացման բարձր որակով: Սա իր դասում ամենագրավիչ մեքենան է վարորդի համար: Այլևս ոչ մի հոգնածություն, նույնիսկ, եթե ամբողջ օրը գտնվել եք ղեկին:

Առջևի նոր նստատեղեր

Վարորդի նստատեղն ու ղեկանիվը ամբողջությամբ կարգավորվում են, այնպես, որ հեշտությամբ կարող եք գտնել ամենահարմարավետ դիրքը: Առաջարկվում է նաև ներկառուցված արմնկակալ, իսկ պատվերով՝ նաև կողային օժանդակման ֆունկցիա և նստատեղերի տաքացում: Բոլոր նստատեղերը համապատասխանում են կոմերցիոն մեքենաներում տեղադրվող նստատեղերի համար առկա բարձր չափանիշներին. դրանք ամուր են և հարմարավետ:

Ամեն ինչ ձեռքի տակ է

Վարորդի խցիկը նախագծվել է աշխատանքում առավելագույն հարմարավետություն ապահովելու նպատակով: Օրինակ, կարող եք պատվիրել առջևի ուղևորի երկտեղ նստատեղ Trend լրամշակման համար դրա տակ առկա 93 լ. ծավալով հատուկ պահոցով:Սարքավորումների վահանակի վրա առկա է 12 Վ լարմամբ վարդակը՝ MP3 նվագարկչի կամ բջջային հեռախոսի լիցքավորման համար, ձեռնոցների արկղիկ, որտեղ կարելի է պահել A4 ձևաչափի թղթապանակներ, ինչպես նաև շշերի և բաժակների մի քանի ամրաններ: 

Ford SYNC տեխնոլոգիա

Ford Sync համակարգը թույլ է տալիս կառավարել աուդիոֆայլերը կամ զանգեր կատարել ու ընդունել ձայնային հրահանգների միջոցով: Այն կարելի է նաև օգտագործել USB կրիչից, MP3-նվագարկչից կամ նույնիսկ սմարտֆոնից երաժշտական ֆայլերը նվագարկելու համար՝ Bluetooth® կապուղու օգնությամբ: 

Quickclear տեխնոլոգիա

Դիմապակու տաքացման Quickclear տեխնոլոգիան, որն արդեն ծանոթ է Ford մարդատար մեքենաների վարորդներին, թույլ է տալիս ձմռանն արագ ազատվել անցանկալի սառույցից: Պարզապես սեղմեք համապատասխան կոճակը, և համակարգը կտաքացնի ապակին նույնիսկ այն դեպքում, երբ դրսի ջերմաստիճանը զրոյից ցածր է:

Դռների փականների ճկուն համակարգ

Մեքենան առաջարկվում է ստանդարտ կենտրոնական փականով՝ հեռակառավարմամբ, որը դարձել է էլ ավելի անվտանգ: Համակարգը թույլ է տալիս բացել կամ փակել դռները առանձին-առանձին: Մնացած դռները կարող են փակ մնալ այնքան ժամանակ, քանի դեռ վարորդը չի բացել դրանք իր դռան վրա գտնվող հատուկ կոճակով, որը նաև թույլ է տալիս բլոկավորել բոլոր դռները միանգամից: Սա պրակտիկ լուծում է մանավանդ մեծ բեռնատարողությամբ մեքենաների համար:

Գույներ

• Frozen White
• Race Red
• Blazer Blue
• Moondust Silver
• Midnight Sky
• Panther Black
• Tectonic Silver
• Stratosphere
• Deep Impact Blue
• Lunar Sky

Առավելագույն արդյունավետություն: Նվազագույն ծախսեր:

Լիովին նոր Ford Transit-ն աչքի է ընկնում տպավորիչ ֆունկցիոնալությամբ և ճկունությամբ: Անկախ նրանից, թե ինչ անվային բազա, տանիքի բարձրություն կամ շարժիչ կընտրեք, դուք կստանաք բեռնավորման աննախադեպ հնարավորություն: Բեռնավորման տարածքը նախագծված է առավելագույն ծավալ ապահովելու նպատակով: Արդյունքում հնարավոր է դարձել տեղավորել մինչև 4, իսկ Jumbo մոդելում նաև 5 եվրոպալետներ: Կողային ու հետևի դռներն ապահովում են բեռնավորման և բեռնաթափման առավելագույն հեշտ ու արագ լուծումներ: Ու մինչդեռ նոր Transit-ի ֆունկցիոնալությունն օգնում է Ձեզ փող աշխատել, շահագործման ցածր ծախսերը թույլ կտան խնայել վաստակած գումարները:

Օգտակարություն

Բեռնավորման տարածքի օգտագործման ամենաարդյունավետ եղանակը

 Նոր Trasnit- ի օգտակար տարածքն այսօր ավելի լավ է կազմակերպված, քան երբևէ: Կողային պատերի թեքման անկյունը փոփոխական է, իսկ տանիքի հատվածը շարժական է, ինչը թույլ է տալիս առավելագույնս օգագործել առկա տարածքը: Բոլոր ֆուրգոնները մոտ 300 մմ ավելի երկար են և տեղավորում են երկար բեռներ՝ խողովակներ, սանդուղքներ և այլն:

Ձեր ֆուրգոնը կարող է տեղավորել այնպիսի բեռներ, որոնք այլ մեքենաներունակ են տեղափոխել միայն տանիքին: Կախված  Ձեր ընտրած թափքի տեսակից՝ բեռնավորման տարածքի երկարությունը կազմում է համապատասխանաբար 3.04 մ, 3.49 մ և 4.21 մ:

Չսահող ծածկով լայն պրոտեկտորը ներկառուցված է հետևի բամպերի մեջ, ինչը հեշտացնում է մուտքը դեպի բեռնախցիկ:

Բեռների ամրացման օղակներ

Թափքի կողային հատվածում ամրացված այս օղակները թույլ են տալիս մաքուր պահել հատակը և  միևնույն ժամանակ համատեղելի են թե DIN, թե ISO ստանդարտների հետ:

Նոր լուսարձակներն ավելի պայծառ են, քան նախորդ մոդելներում և ներառված են ստանդարտ համալրման մեջ:

Որպես օպցիա կարող եք պատվիրել նաև լուսադիոդային տարբերակ: Նման  չափսի տրանսպորտային միջոցի համար սա կարևոր է: 

Եթե ձեր տրամադրության տակ ունեք բեռնավորման նման ահռելի տարածություն, կարևորագույն նշանակություն են ստանում կողային դռները:  Նոր Transit-ի կողային դռների մեխանիզմն իրականացված է առավելագույնս  պարզ ու հուսալի աշխատանք ապահովելու նպատակով:

Հետևի ամուր դռներն աչքի են ընկնում որակյալ մեկուսացմամբ, ինչի շնորհիվ նվազում է աղմուկի աստիճանը, մեծանում է անվտանգությունն ու կանխվում է ջրի ներթափանցումը բեռնախցիկ: Կախված մոդելից՝ դռները կարող են բացվել և ֆիքսվել 90 աստիճան դիրքում: Հատուկ լուսարտացոլիչ նշանները՝ ամրացված դռների ներսի կողմից, երթևեկության այլ մասնակիցներին զգուշացնում են բաց դռների մասին:

Ծախսեր

Սպասարկման մեծ ինտերվալ

Նոր Transit-ի յուրաքանչյուր մաս և հանգույց նախատեսված է երկարաժամկետ շահագործման համար: Այդ պատճառով միջսերվիսային ժամանակահատվածը հասցվել է 50000 կմ կամ 2 տարվա: 

Տարանցիկ կորոզիայից պաշտպանության 12 տարվա երաշխիք:

Որպես մեքենայի պաշտպանիչ միջոց լիովին նոր Ford Transit-ն առաջարկվում է 12 տարվա հակակորոզիոն ստանդարտ գործարանային երաշխիքով:

Արտադրողականություն և արդյունավետություն

Նոր 2,2լ TDCi դիզելային շարժիչների սերիան՝ 6-աստիճան մեխանիկական փոխանցումատուփով, ապահովում է հզորության ու պտտող մոմենտի բարձր ցուցանիշներ և վառելիքի զգալի խնայողություն: Խելացի ռեգեներատիվ համակարգի, արագացման վերահսկման և start-stop ֆունկցիայի առկայության շնորհիվ Transit-ը հասնում է  վառելիքի տնտեսման էլ ավելի տպավորիչ ցուցանիշների, ինչը կարևոր է ներդրումների ետ բերման հարցում: 

Նորագույն դիզելային շարժիչներ՝ հզոր և տնտեսող

Transit-ը համալրվում է 2,2 TDCi դիզելային 3 տեսակի շարժիչներով՝ համապատսխանաբար 100, 125 և 155 ձ/ու հզորությամբ և մինչև 285 Նմ պտտող մոմենտով: Վեցաստիճան փոխնցումատուփը առջևի քարշակման համակարգի հետ համատեղ՝ ապահովում են առավելագույն հարմարավետություն աշխատանքի ցանկացած ռեժիմներում: Այս շարժիչների օրիգինալ տեխնիկական լուծումները թույլ են տալիս արդյունավետ աշխատել նույնիսկ ամենացուրտ պայմաններում: Այս ամենը կարելի է նույնիսկ բարելավել Ford ECOnetic տեխնոլոգիաների շնորհիվ: